ഒക്ടോബര്‍ 30 മുതല്‍ നവമ്പര്‍ 8 വരെ നടക്കുന്ന 44-ാമത് ടോക്യോ മോട്ടോര്‍ ഷോയില്‍ ശ്രദ്ധാകേന്ദ്രമാകാനുള്ള ശ്രമത്തിലാണ് സുസുക്കി. ഷോയില്‍ 'സുസുക്കി അടുത്ത 100' എന്നാണ് തങ്ങളുട സ്്‌റാറാളിന് കമ്പനി പേരിട്ടിരിക്കുന്നത്. 2020-ല്‍ 100 വയസ് തികയുന്ന സുസുക്കി നിലവിലുള്ള സ്വന്തം വിജയം എങ്ങനെ ഒരു നൂറ്റാണ്ട് കൂടി നിലനിര്‍ത്തും എന്നതാണ് ആ നാമകരണത്തിന്റെ ഉദ്ദേശം. അതുകൊണ്ട് തന്ന പ്രദര്‍ശനത്തിലെ മുഖ്യ ഇനങ്ങള്‍ വരുംകാലത്തെ ഉത്പന്നങ്ങളുടെയും സാങ്കേതിവിദ്യകളുടെയും നിര്‍ദേശങ്ങളായിരിക്കും.
നഗരങ്ങളിലെ പുറംപ്രദേശങ്ങളില്‍ സഞ്ചരിക്കുന്നവരും രസികത്വം ഉള്ളവരുമായവര്‍ക്കുള്ള വാഹനമാണ് മൈറ്റി ഡെക്ക്. ഈ കോണ്‍സെപ്റ്റും ഒരു കൊച്ചുകോംപാക്ട് കാര്‍ തന്നെ. ഒരു വ്യത്യാസം അതിന്റെ കാന്‍വാസ് റൂഫാണ്. പിന്നെ പുറകില്‍ ഡിക്കിയുടെ സ്ഥാനത്തുള്ള, പിക്കപ് ട്രക്കിനെ അനുസ്മരിപ്പിക്കുന്ന തുറന്ന സ്റ്റോറേജും. ആവശ്യങ്ങള്‍ക്കൊത്ത് പിന്നിലെ തുറന്ന ഡെക്ക് ഉയര്‍ത്തുകയോ താഴ്ത്തുകയോ ചെയ്യാം. നഗരമായാലും നാട്ടിന്‍പുറത്തെ പ്രകൃതിയാണെങ്കിലും, വീടാണെങ്കിലും പുറംലോകമാണെങ്കിലും, ജോലിയാണെങ്കിലും വിനോദസഞ്ചാരമാണെങ്കിലും അവിടെയെല്ലാം മൈറ്റി ഡെക്ക് നിങ്ങളെ മനോഹരമായി എത്തിക്കും.
0 Comments